စကားဝှက် (Password) မေ့တဲ့အခါ - သင်နဲ့ ဘုရားပဲ သိတဲ့လျှို့ဝှက်ချက် ဘုရားပဲ သိတော့မယ့်အချိန်

 ကား၊ ဆိုင်ကယ်စီးရင် သော့မမေ့ဖို့၊ မပျောက်ဖို့ အရေးကြီးသလိုပဲ၊ ဒီခေတ်မှာ ကွန်ပျူတ/ဖုန်းသုံးရင် Password မမေ့ဖို့ဆိုတာ သက်စွန့်ဆံဖျား အရေးကြီးပါတယ်။

တကယ်တော့ Password ဆိုတာ "ကိုယ်နဲ့ ဘုရားပဲ သိရမယ့်" အရာပါ။ ဒါပေမဲ့ တချို့အချိန်တွေမှာ ကျွန်တော်ကိုယ်တိုင်တောင် ဘာမှမသိတော့ဘဲ "ဘုရားပဲ သိတော့မယ့်" အခြေအနေမျိုးကို ရောက်ဖူးကြမှာပါ။ (အထူးသဖြင့် အိပ်ရေးပျက်ပြီး password တွေ ရောထွေးနေချိန်ပေါ့)။

ကဲ.. Ubuntu သုံးနေရင်း Password မေ့သွားပြီး Recovery လုပ်ရတဲ့ အဖြစ်ဆိုး ကြုံလာရင် ဘယ်လိုလုပ်မလဲ? အောက်ပါအတိုင်း အဆင့်ဆင့် ဖြေရှင်းလိုက်ပါ။

အပိုင်း (၁) - Recovery Mode ထဲကို ခိုးဝင်ခြင်း

• ကွန်ပျူတာကို Restart ချလိုက်ပါ။ (အသည်းအသန် အရေးပေါ်အခြေအနေပါ)။

• GRUB menu ပေါ်လာအောင် Shift ကို ဖိထားပေးပါ။ (shift key ကို အားကိုးရတဲ့ အချိန်ပေါ့)။

• Advanced options for Ubuntu ထဲကို အသာလေး ဝင်လိုက်ပါ။

• (recovery mode) လို့ ပါတဲ့ စာကြောင်းကို ရွေးပေးပါ။

• ပြီးရင် 'root' လို့ ရေးထားတဲ့ "Drop to root shell prompt" ကို ရွေးပြီး Enter နှိပ်ပါ။

 အပိုင်း (၂) - Password အသစ်သတ်မှတ်ခြင်း

• အခုဆိုရင် သင်ဟာ System ရဲ့ အရှင်သခင် (root) ဖြစ်သွားပါပြီ။

• passwd သင့်username ဆိုပြီး ရိုက်ထည့်ကာ စိတ်ကြိုက် password အသစ် ပေးလိုက်ပါ။ ပြီးရင် reboot ရိုက်ပြီး ပြန်တက်လာပါ။

အပိုင်း (၃) - Keyring ရဲ့ သဝန်တိုမှု 

• System ပြန်တက်လာတော့ "Keyring is locked" ဆိုပြီး ပေါ်လာပါလိမ့်မယ်။

• ဒါကတော့ ကိုယ့် system က ကိုယ့်ကို သံသယဝင်နေတာပါ။ Password အသစ်နဲ့ အဟောင်း မကိုက်လို့ သူက "Keyring is locked" ဆိုပြီး ပိတ်ထားတာပေါ့။

• အဲဒီအခါမှာတော့ "Passwords and Keys" (Seahorse) ကို ရှာဖွေပြီး ဖွင့်လိုက်ပါ။

• "Login" ဆိုတဲ့ keyring ပေါ်မှာ Right-click နှိပ်ပြီး Delete လုပ်လိုက်ပါ။ (သူ့ကို ဖျက်လိုက်မှ အသစ်ပြန်ဖြစ်မှာ)။ 

• "I understand" ဆိုတဲ့ box လေးကို အမှန်ခြစ်ပြီး Delete နှိပ်လိုက်ပါ။  

 

 အခုဆိုရင် အားလုံးအဆင်ပြေသွားပါပြီ။ နောက်တစ်ခါ Password မေ့ရင်လည်း ဘုရားသခင်ကိုပဲ အားကိုးမနေဘဲ ဒီ post လေးကို သိမ်းထားဖို့ မမေ့ပါနဲ့။

ပညာဒါနလေးတစ်ခုအနေနဲ့ Share ပေးလိုက်ဦး။ နောက်တစ်ခါ Password မေ့ရင် အတူတူ ငိုကြတာပေါ့ဗျာ။

#UbuntuTroubleshooting #PasswordRecovery #TechHumor #LinuxLife #DataEngineeringScholarship