𝐒𝐭𝐨𝐫𝐞 𝐏𝐫𝐨𝐜𝐞𝐝𝐮𝐫𝐞 ကို ဘာလို့သုံးသင့်လဲ

Stored Procedure ဆိုတာ Database ဆာဗာထဲမှာ အဆင်သင့် ချက်ပြုတ်ပြီးသား "မီးဖိုချောင်သုံး Menu" တစ်ခုလိုပါပဲ။ အပြင်ကနေ မှာယူသူ (Application) က ဟင်းပွဲနာမည်လေး လှမ်းပြောလိုက်ရုံနဲ့ စားပွဲပေါ် ချက်ချင်းရောက်လာတာမျိုး ဖြစ်ပါတယ်။
Stored Procedure (လုပ်ငန်းစဉ်သိုလှောင်မှု) ကို Database စနစ်တွေမှာ အဓိက သုံးရတဲ့ အကြောင်းရင်းကတော့ ရိုးရိုး SQL query တွေကို ခဏခဏ လှမ်းဆော်နေမယ့်အစား လုပ်ငန်းစဉ်တစ်ခုလုံးကို Database ထဲမှာပဲ တစ်ခါတည်း စုစည်းသိမ်းဆည်းထားပြီး အလွယ်တကူ ပြန်ခေါ်သုံးနိုင်အောင်လို့ ဖြစ်ပါတယ်။
အဓိက သုံးရတဲ့ အကျိုးကျေးဇူးတွေ
၁။ Application Performance ပိုကောင်းလာခြင်း (Speed)
၂။ လုံခြုံရေး ပိုစိတ်ချရခြင်း (Security)
၃။ Code တွေကို ပြန်လည်အသုံးပြုနိုင်ခြင်း (Reusability & Maintainability)
၄။ Business Logic ကို ဗဟိုချုပ်ကိုင်နိုင်ခြင်း (Centralized Logic)

၁။ Application Performance ပိုကောင်းလာခြင်း (Speed)

ရိုးရိုး SQL query တစ်ခုကို လှမ်းပတ်တိုင်း Database က အဲဒီ query ကို မှန်မမှန် စစ်ဆေးတာ (Parsing)၊ ဘယ်လိုအလုပ်လုပ်ရင် အကောင်းဆုံးဖြစ်မလဲ တွက်ချက်တာ (Optimization) တွေကို အကြိမ်ကြိမ် လုပ်နေရပါတယ်။ Stored Procedure ကတော့ Database ထဲမှာ တစ်ခါတည်း Compile လုပ်ပြီးသား (အဆင်သင့်ဖြစ်ပြီးသား) သိမ်းထားတာမို့လို့ ခေါ်သုံးလိုက်တာနဲ့ ချက်ချင်း အလုပ်လုပ်ပါတယ်။ ဒါ့အပြင် ကွန်ရက်ပေါ်မှာ (Network) မှာ query အရှည်ကြီးတွေ ပို့နေစရာမလိုဘဲ Procedure နာမည်လေးပဲ လှမ်းခေါ်ရုံမို့ Network Traffic ကိုလည်း သက်သာစေပါတယ်။

၂။ လုံခြုံရေး ပိုစိတ်ချရခြင်း (Security)

Stored Procedure က Database လုံခြုံရေးအတွက် အကောင်းဆုံး ခံတံတိုင်းတစ်ခု ဖြစ်ပါတယ်။
SQL Injection ကာကွယ်ခြင်း
Direct Access ပိတ်ထားနိုင်ခြင်း: User တွေကို Table တွေထဲ တိုက်ရိုက်ဝင်ပြင်ခွင့် (Select, Insert, Update) မပေးဘဲ၊ သတ်မှတ်ထားတဲ့ Stored Procedure ကိုပဲ Run ခွင့်ပေးပြီး Data တွေကို ကိုင်တွယ်ခိုင်းလို့ ရပါတယ်

၃။ Code တွေကို ပြန်လည်အသုံးပြုနိုင်ခြင်း (Reusability & Maintainability)

ဥပမာ— ဘဏ်လုပ်ငန်းစနစ်တစ်ခုမှာ ငွေလွှဲတဲ့လုပ်ငန်းစဉ် (A အကောင့်က နှုတ်၊ B အကောင့်ထဲပေါင်း၊ Transaction log ထဲ ထည့်) ဆိုတဲ့ အဆင့်တွေ ရှိတယ်ဆိုပါစို့။ ဒီ logic ကြီးကို Application code ထဲမှာ လိုက်ရေးထားရင် တစ်နေရာရာမှာ ပြင်ချင်တိုင်း app ကိုပါ လိုက်ပြင်ပြီး redeploy လုပ်နေရပါလိမ့်မယ်။ Stored Procedure နဲ့ ရေးထားရင် Database ဘက်မှာ တစ်နေရာတည်း ပြင်လိုက်ရုံနဲ့ အဲဒီ Procedure ကို လှမ်းသုံးထားတဲ့ App တွေအားလုံးမှာ အလိုအလျောက် အမှန်ပြင်ပြီးသား ဖြစ်သွားပါတယ်။

၄။ Business Logic ကို ဗဟိုချုပ်ကိုင်နိုင်ခြင်း (Centralized Logic)

လုပ်ငန်းခွင်မှာ Web App လည်း ရှိနိုင်သလို၊ Mobile App ဒါမှမဟုတ် Reporting Tool တွေလည်း ရှိနိုင်ပါတယ်။ တွက်ချက်မှုပုံသေနည်းတွေ၊ စည်းမျဉ်းတွေကို Stored Procedure ထဲမှာပဲ ထည့်ရေးထားရင် App တစ်ခုချင်းစီမှာ Logic တွေ လွဲချော်ကုန်တာမျိုး မဖြစ်တော့ဘဲ standard တစ်ခုတည်း ဖြစ်နေစေပါတယ်။